Ule rrogën, hajde!

Playmakeri holandez, Wesley Sneijder, që po kërkohet nga shumë klube definitivisht duhet të ulë kërkesën për rrogë nëse don të zgjedh ekipe. 

Sipas informatës së fundit të lëshuar në mediat angleze, Liverpool është gati t’ia jap ofertën e re, por ai duhet të pranojë rrogë jo më të madhe se 100 mijë funta në javë. 

Liverpool ka thënë se janë në gjendje të paguajnë menjëherë dëmshpërblimin e tij për ta liruar nga Interi, mirëpo rroga e tij vjetore prej 6 milionë eurove, do t’i kushtojë shumë taksa Liverpooli - sa që nuk do të jenë në gjendje t’i përballojnë. 

Ndërsa burimet italiane të The Sun, kanë thënë se Wesley Sneijder 28 vjeçar, mund të pranojë ofertën e Liverpoolit, pasi që është njëri ndër klubet ku do të kishte dëshirë të luajë. E Galatasaray, që i ka ofruar aq sa kërkon ende është në pritje të përgjigjes së lojtarit pasi që Inter, ka pranuar ofertën e klubit turk.