UNITED - BOURNEMOUTH
United gabon, hap prapa për top4
4 March, 2017 @15:30
Në mundësinë e artë për t’u afruar sa më tepër me pozitat që dërgojnë në Champions League, duke marrë parasysh që Liverpooli e Arsenali luajnë mes vete, United ka lëshuar pikë!
Në një takim të dominuar totalisht, United ka shpërdoruar shumë raste, ashtu si në shumë ndeshje si vendas sivjet, për të barazuar kështu ndaj Bournemouthit, skuadër kjo që komplet pjesën e dytë e luajti me një lojtar më pak në terren. Meritën kryesore për këtë barazim të Bournemouthit e ka padyshim portieri Artur Boruc, i cili zhvilloi një paraqitje jashtëzakonisht të mirë.
Heroi i javëve të fundit, Zlatan Ibrahimovic, ishte figurë tragjike sot. Ai shpërdoroi një penallti vendimtare në pjesën e dytë, penallti e cila do të ishte gol i fitores për Manchester Unitedin.
Ky barazim bën që United të zvogëlojë gjasat për një vend në top4, ndërsa rruga e vetme për Champions League duket të jetë një triumf i mundshëm në Europa League.
