Rama i befasuar me epilogun

Trajneri i Drenicës, Fadil Rama, ka thënë se rezultati i ndeshjes së sotme ndërmjet Prishtinës dhe Drenicës është befasi për Superligën e Kosovës, ndërsa ka numëruar edhe faktorët që çuan këtu.

“Jo, nuk e kam pritur këtë rezultat dhe si për mua personalisht e po ashtu edhe për ekipin tim është befasi, sepse duke e njohur Superligën e Kosovës është rezultat shumë i lartë. Pjesa e parë ishte më e barabartë, mirëpo pastaj bëmë shumë gabime dhe ndikoi edhe kartoni i kuq i Lushtakut i cili ra pre e gjykimit të dobët të gjyqtarit kryesor dhe atij anësor,” ka thënë Fadil Rama pas ndeshjes, shkruan faqja zyrtare e ekipit të Prishtinës sot.

Kjo ka qenë humbja më e thellë në histori të Drenicës ndaj Prishtinës.