OLD TRAFFORD
Unitedi i sigurtë
31 January, 2015 @17:47
Skuadra e Leicester Cityt është treguar e pafuqishme në përballjen e sotme kundër Manchester Unitedit, që u zhvillua në stadiumin Old Trafford në Manchester.
Djajtë e kuq, të cilët e nisën lojën me një formacion ofansiv të përbërë nga Falcao dhe Van Persie në sulm, dhe pas tyre treshja Januzaj - Di Maria - Rooney, arritën ta thyejnë mbrojtjen e mysafirëve në minutën 27’ me golin e holandezit, Van Persie.
Pesë minuta më vonë Radamel Falcao e dyfishoi epërsinë, derisa në minutën 44’ semafori tregoi rezultatin 3-0 pas autogolit të mbrojtësit të Leicesterit, Morgan.
E gjitha që arriti të bëjë Leicesteri deri në fund të takimit ishte vetëm shënimi i golit të nderit në minutën e 80’ nga mbrojtësi polak, Marcin Wasilewski.
United me këtë fitore tani ka gjithsej 43 pikë, derisa Leicester mbetet e fundosur në tabelë me vetëm 17 pikë.
Rezultatet dhe tabela aktuale.
