Van Gaal afër detyrës së re

Trajneri holandez, Louis Van Gaal, që u nda me Manchester Unitedin jo-lavdishëm, është pranë detyrës së tij të re.

Sipas gjermanes Bild, holandezi është opcion i reprezentacionit të Belgjikës, që për të dytën herë me radhë dështoi të arrijë më shumë se çerekfinalja në turne të mëdha dhe shkarkoi së fundi Marc Wilmotsin nga detyra.

Gjenerata e artë belge me lojtarë si Eden Hazard, Radja Nainngolan, Romelu Lukaku, Jan Verthongen, Thibaut Courtois, etj. as në “Brazili 2014” e as në “Franca 2016” nuk arriti pritshmëritë dhe bisedimet e Federatës së këtij vendi me Van Gaalin kanë nisur, ndërsa për më tepër mbetet të shihet në ditët vijim.

Belgjika tash bën pjesë në Grupin H kualifikues për “Rusia 2018” dhe në grup ka rivalë relativisht të lehtë si Bosnja, Greqia, Estonia, Qiproja dhe Gjibraltari.