LIGUE 1
Vazhdojnë serinë
20 September, 2014 @20:25
Olympique Marseille ka regjistruar fitoren e katërt rresht në kampionatin françez.
Pas startit të dobët në dy javët e para duke shënuar një humbje dhe një barazim, pas javës së gjashtë Marseille ka arritur të njitet në krye të radhitjes tabelare, edhe pse me një ndeshje më shumë se skuadra e Lille-it.
Marsejezët fitoren e katërt e arritën duke e mposhtur skuadrën Rennes me rezultat 3-0.
Sulmuesi Andre Pierre Gignac ishte më meritore në këtë fitore duke shënuar dy gola, derisa goli i tretë erdhi në minutën e katërt të lojës shtesë nga zëvendësuesi, Romain Alessandrini.
Me këto dy gola, Gignac është ngjitur në krye të listës së golashënuesve me gjithsej 5 gola të realizuara, aq sa ka edhe sulmuesi suedez i PSG-së, Zlatan Ibrahimovic.
Rezultatet dhe tabela aktuale.
