PËRFUNDON EPOKA MOURINHO?
Vazhdon ëndrra e Leicesterit
14 December, 2015 @22:49
Claudio Ranieri dhe skuadra e tij nuk e kanë ndërmend të ndalen. Kur u mendua se do të vinte kalendari “i vështirë”, Leicesteri po befason të gjithë duke marrë rezultate pozitive dhe duke mbajtur kreun e Premier Ligës angleze, me dy pikë më shumë se Arsenali.
Sonte në King Power Stadium, Leicesteri mposhti Chelsean e Mourinhos me rezultat 2-1. Pjesa e parë u mbyll me rezultat 1-0 me golin e Jamie Vardyt pas super asistimit të Mahrez. Pjesa e dytë filloi me shpërthimin e Mahrezit, i cili dyfishoi epërsinë me një super gol. Chelsea ngushtoi epërsinë në minutën e 77’ përmes Loic Remy, mirëpo kjo ishte e tëra çfarë mund të bënte skuadra e Mourinhos, i cili rrezikon shkarkimin, pasi që tashmë skuadra ndodhet në vendin e 16 me 9 humbje të pësuara.
FAKT:
| Jamie Vardy ka shënuar golin e 15 të stinorit në Premier League sonte. |
