Vazhdon legjenda

Liverpool ka njoftuar për vazhdim të kontratës me kapitenin legjendar të tij, Steven Gerrard. Edhe pse të kuqtë nga Anfield Road nuk kanë bërë të ditur kohëzgjatjen e kontratrës, mediat angleze raportojnë se ajo është vetëm dy vjeçare për aktualisht 33 vjeçarin Gerrard. 

Mesfushori qendror kishte kontratë deri në fund të stinorit që po vjen, mirëpo 36 ndeshjet e zhvilluara në stinorin e kaluar vetëm në Premier League kanë qenë më se një dritë e gjelbër për krerët e klubit të cilët kanë vendosur vazhdimin e kontratës me njërin ndër lojtarët më të mirë të historisë së saj. 

Kapiteni i përfaqësueses angleze, Gerrard, ka debutuar për Liverpoolin në nëntor të vitit 1998 dhe deri më tani ka 630 paraqitje madhore për klubin nga Merseyside. Ai nuk ka fituar asnjëherë titullin e kampionit me Liverpoolin, ndërsa ka vetëm një trofe të Ligës së Kampionëve me të kuqtë.