Vedat Muriqi dhe Samir Ujkani s’udhëtojnë për ndeshjen e radhës

Derisa ekspedita e kombëtares ka marrë rrugë për në Austri, ku do të zhvillohet miqësorja e radhës e Kosovës, dyshja Samir Ujkani dhe Vedat Muriqi nuk do të jenë në dispozicion të selektorit Bernard Challandes.

FFK ka bërë të ditur se Ujkani dhe Muriqi janë liruar me leje të selektorit nga grumbullimi i radhës.

Pas fitores ndaj San Marinos 4-1 në miqësoren paraprake, Kosova të premten më 4 qershor luan ndaj Maltës në Klagenfurt të Austrisë.

Pas kësaj, ekspedita me lojtarë tjerë do të merr rrugë për në Antalya, për miqësoret ndaj kombëtareve afrikane, Guinesë e Gambisë.