A do ta nënshkruajë kontratën e re?

Lionel Messi është pranë nënshkrimit të marrëveshjes së re me Barcelonën. Sipas raporteve të mediave spanjolle, argjentinasi është afër që të vazhdojë edhe 2-vjet bashkëpunimin e tij me klubin ku u rrit.

AS ka bërë të ditur se 33-vjeçari është pranë nënshkrimit të kontratës së re me katalanasit, pas spekulimeve të shumta për largimin e tij në fund të këtij stinori, kur edhe mbetet lojtar i lirë.

Emri i Messit u përfol si opcion i mundshëm për të kaluar te Paris St Germain dhe Manchester City, skuadra këto në pronësi të sheikëve që nuk do të kishin problem për t’ia përmbushur kërkesat superyllit.

Mirëpo, me ardhjen e kryetarit të ri në klubin e Barcelonës, pritet që Messi të ndërrojë mendje. Me Joan Laportën në krye të klubit, së fundi ardhjen e shokut bashkëkombas Sergio Aguero, pastaj edhe përforcimit në mbrojtje Eric Garcia — pritet që “la pulga” të vazhdojë me Barçën.

Sa i përket Messit, ai kusht të vetëm me skuadrën e tij të fëmijërisë ka pasur përforcimin dhe të mirren titujt, veçanërisht për të pasur ekip konkurrues për Champions League.