Debutuesi tregon emocionet me Kosovën

Njëri ndër futbollistët që pati rastin të debutojë për Kosovën sot, Destan Bajselmani, është shprehur të jetë shumë i emocionuar pas mundësisë së dhënë.

Ai luajti tërë ndeshjen miqësore të Kosovës ndaj San Marinos, ku Dardanët fituan 4-1. Futbollisti 22-vjeçar që luan për Zëollen në Holandë dhe është i lindur në Enschede të po të njëjtit vend, ka përshkruar ndjenjat e tij pas fitores.

“Jam ndjerë shumë mirë. Kam pasur edhe emocione pasi që është hera e parë që luajë për Kosovën, por krenar për mundësinë e dhënë. Ka qenë ndjenjë e veçantë dhe fantastike. Shpresoj në paraqitje të mira edhe në ndeshjet e radhës, derisa grupi po duket shumë cilësor,” ka thënë Bajselmani pas ndeshjes.

Pas miqësores së fituar ndaj San Marinos, Kosova tash në program ka edhe 3 miqësore tjera. Ndaj Maltës, Guinesë e Gambisë.