Vedat Muriqi - Xherdan Shaqiri, sulmi i ri i Lazios?

Maurizio Sarri do të mund të ketë edhe Xherdan Shaqirin në ekip. Lazio ku luajnë Vedat Muriqi, Thomas Strakosha, Elseid Hysaj tashmë mund të kenë bashkëlojtar edhe Xherdan Shaqirin.

Kjo është bërë e ditur nga vetë Shaqiri, që ka folur për gazetën italiane Corriere dello Sport.

Shaqiri ka thënë se dëshron sfida të reja dhe ka kërkuar largimin nga Liverpooli, ndërsa qejfi i tij është Lazio.

“I kam thënë bordit të Liverpoolit se dua sfidë të re. Ata pranuan vendimin tim dhe janë duke konsideruar ofertat. Këtë verë Liverpool nuk do të më ndalë. Do të dëshiroja të rikthehem në Itali dhe të luajë për Lazion,” ka thënë Xherdan Shaqiri për Corriere dello Sport.