Vëllaznimi e fiton në tavolinë ndeshjen me Vushtrrinë

Ndeshja e kësaj jave në Ligën e Parë ndërmjet Vushtrrisë dhe Vëllaznimit është regjistruar me rezultat zyrtar 0-3 në të mirë të gjakovarëve.

Vendimi është marrë nga Komisioni i Garave, i cili ka ardhur në këtë përfundim pas shqyrtimit të ankesës së Vëllaznimit, ku u konstatua parregullsia e paraqitjes së lojtarit pa të drejtë loje të Vushtrrisë, Drilon Fazliu.

Fazliu për këtë ndeshje ka qenë i ndëshkuar për shkak të katër kartonave të verdhë në ndeshjet paraprake.

Ndeshja ndërmjet Vushtrrisë dhe Vëllaznimit në fushë kishte përfunduar me fitoren e vushtrriasve me rezultat minimal, 1-0.

TABELA AKTUALE

Me këtë rezultat tani Vëllaznimi ka 26 pikë në tabelë, ndërsa Vushtrria ka 17 pikë.