DËSHTUESI SPEKTAKULAR
Vërshohet nga kritikat
11 March, 2016 @0:36
Dështimi që së paku të luftojë ndaj rivalit të përbetuar Liverpool, ka bërë që trajneri i Manchester Unitedit, Louis Van Gaal të vërshohet përsëri nga kritikët e futbollit.
Së fundi Ken Voakes në Goal.com ka shkruar se van Gaal është dështues spektakular i ndeshjeve të mëdha dhe kjo ndeshje që është dashur të jetë ndeshja e stinorit për Unitedin, ka qenë dështim total.
“Që nga minuta e parë deri te ajo e fundit, United ka qenë plotësisht i mbizotëruar nga Liverpooli. Po të mos ishte portieri David De Gea të tregojë master-klasën e tij në përballje, ndeshja do të mund të përfundonte edhe 5-0 për Liverpoolin,” ka shkruar Voakes për Goal.com pas ndeshjes.
“Ajo që shihej qartë në këtë ndeshje është fakti se Van Gaal nuk ka pasur asnjë plan për këtë ndeshje që t’u tregojë lojtarëve diçka më shumë,” ka shtuar ai.
Liverpool mposhti Manchester Unitedin 2-0 në përballjen e parë të së tetës së finales të Europa Ligës sonte, ndërsa javën që vjen skuadrat luajnë ndeshjen e kthimit.
