Vetëm fitore në janar

Manchester United ka vazhduar me fitore, duke e shënuar të tretën e janarit, pasi që sonte mposhti lehtë Stoke Cityn e Xherdan Shaqirit në Old Trafford.

Pas Evertonit në ligë dhe Derby Countyt në Kupë, sonte ra edhe Stoke City para Unitedit.

Dy asistime të Paul Pogbas në pjesë të parë, thuajse ia siguruan fitoren djajve të kuq të Jose Mourinhos, pasi që Antonio Valencia dhe Anthony Martial shënuan për 2-0 në pjesë të parë.

TABELA AKTUALE E PREMIER LEAGUE

Stoke City, të cilët trajneri i ri Paul Lambert i shikonte nga tribuna sonte, në pjesë të dytë nuk arriti as të këndellet dhe kështu me dominim të lehtë të Unitedit, rezultati u thellua kur Romelu Lukaku shënoi për 3-0 përfundimtare.

Me fitore, United tash ka 12 pikë më pak se lideri Manchester City, ndërsa u ka ikur nga tre pikë dyshes përcjellëse, Liverpool e Chelsea.