Vidal i jep fitoren e parë Juves

Mesfushori kilian i Juventusit, Arturo Vidal, është treguar instrumental në fitoren e bianconerëve nga Torino sonte. Juventus ka arritur që të shënojë fitoren e parë të stinorit në Ligë të Kampionëve sonte. 

E kiliani Vidal ka shënuar hat-trickun e parë të tij në Ligë të Kampionëve, me dy golat e tij nga penalltia dhe një tjetër. 

Në fakt, Kobenhavn është mbajtur mjaft mirë sa i përket rezultatit deri në penalltinë e dytë të Juventusit. Ata bile arritën të barazojnë rezultatin me anë të veteranit suedez, Olof Mellberg, por kjo ishte e tëra nga kampioni danez sonte. 

Juventus më vonë shënoi edhe dy herë për fitoren prej 3-1, fitore kjo që i çoi në vend të dytë të Grupit D. 

Kalimit të Juventusit në vend të dytë i kontribuoi lideri i grupit, Real Madrid. Madrilenët sonte kanë shkatërruar në Santiago Bernabeu rivalin turk, Galatasaray duke e mposhtur me rezultat 4-1. 

Bile fitorja e Real Madridit bëhet edhe më e madhe kur kihet parasysh se ata nuk kishin në dispozicion Cristiano Ronaldon e lënduar si dhe që nga minuta e 26-të luajtën me një lojtar më pak në fushë pas kartonit të kuq të Sergio Ramosit. 

Gareth Bale, Alvaro Arbeloa, Angel Di Maria dhe Isco kanë qenë shënues për madrilenët në fitoren e tyre, derisa golin e shpresës, që doli të jetë i nderit për kampionin turk e shënoi Umut Bulut. 

Në ndeshjet e fundit të grupit, Galatasaray pret Juventusin në Stamboll, ku me fitore do të mund të kualifikohej derisa Real Madridi do të udhëtoj për turizëm në Danimarkë. 

TABELA AKTUALE GRUPI D: