SERIE A
REUTERS/Gimapiero Sposito
Viola, lehtë me Sienën
16 December, 2012 @15:55
Ekipi i ish sulmuesit të njohur italian, Vincenzo Montella, Fiorentina, ka arritur të mposhtë lehtë Sienën sot në kuadër të xhiros së 17-të të Serie A-së. Vjollcët nga Firenca kanë kryer punën në pjesën e parë të ndeshjes kur shënuan tre herë për t’i siguruar tre pikët.
Përkundër se në pjesën e dytë Siena tentoi të rikthehet me golin e Reginaldos, Luca Toni me golin e dytë të tij përcaktoi rezultatin përfundimtar të ndeshjes në 4-1 në të mirë të Fiorentinës.
Me këtë fitore, Fiorentina ka mbetur në pozitën e pestë në tabelë me 32 pikë, tre më shumë se Roma që luan ndaj Napolit sot.
REZULTATI:
Fiorentina - Siena 4-1
