Vjelja e Southamptonit

Skuadra që arriti historinë stinorin e kaluar në Premier League, duke përfunduar në vendin e tetë të saj - ka mbetur pa lojtarë! 

Të larguarit!

Kjo pasi që edhe dyshja e mbetur në ekip, Morgan Schneiderlin dhe Jay Rodriguez, përfolen si kalime të mundshme në Tottenham Hotspur. 

Dyshja në fjalë do të mund t’i bashkohen trajnerit të tyre të stinorit të kaluar, Mauricio Pochettino. E nëse ata i bashkohen Pochettinos atëherë Southampton do të çojë numrin e shitjeve - në shtatë lojtarë nga ekipi bazë që arriti suksesin e stinorit të kaluar. 

Dejan Lovren, Adam Lallana dhe Rickie Lambert, kaluan te Liverpool. Luke Shaw shkoi në Manchester United. Calum Chambers u zgjodh nga Arsenali. Trajneri Pochettino morri drejtimin e Tottenhamit.

Pa shpresa

Trajneri i ri i Southamptonin, Ronald Koeman, ditë më parë ka postuar në shaka një fotografi nga stërvitjet - ku shihej stadiumi i zbrazët - duke aluduar se ka mbetur pa lojtarë. 

Përkundër se ‘të Shenjtit’ kanë marrë Graziano Pellen dhe Dusan Tadicin nga Eredivisie, përkatësisht nga Feyenoord dhe Twente - analistët parashikojnë stinor katastrofal për ekipin e Koemanit, nëse nuk i shfrytëzojnë paratë e fituara nga transferet e deritashme, ku kanë fituar mbi 50 milionë funta.  

Para plotë, lojtarë jo

Southampon Schneiderlinin nuk pranon ta shesë nën 20 milionë funta, që llogaritet të jetë lojtari kryesor që i sjelli ata në Premier League nga Championshipi dy stinorë më parë. Mirëpo, as Rodriguez nuk do të thotë se është lojtar që mund të blehet me pak para. Tottenham duhet të llogarisë së paku  në 30 milionë funta, në çmim më të lirë, që do të mund t’i kishte të dy këta në ekip.

E Southampton duhet të pres magji nga Koeman për të mbijetuar.