MEDIA TALK
Vjen oferta edhe nga Ligue 1 për Muriqin
26 May, 2020 @0:58
Me paraqitjet e këtij stinori te Fenerbahçe, për sulmuesin e Kosovës Vedat Muriqi, ka ardhë edhe një ofertë befasuese, bëjnë të ditur mediat turke sot.
Në stinorin 2020/21 ekipi i Ligue 1 të Francës, Rennes, është duke shikuar të përforcojë sulmin e skuadrës dhe zgjidhja e tyre aktualisht është Vedat Muriqi, ka shkruar sonte NTV.
Pas anulimit të stinorit në Ligue 1 dhe përfundimit në vend të tretë, si dhe sigurimit të Ligës së Kampionëve për herë të parë në histori të klubit - Rennes pret ngritjen e fondeve dhe Muriqin si opcion serioz për të rritur numrin e golave të shënuara.
NTV nuk ka bërë të ditur shifrën e ofertës në fjalë, e as reagimin e Fenerbahçes për këtë.
E sulmuesi i Kosovës që ka kontratë deri në vitin 2023 me verdhekaltërit nga Stambolli, këtë stinor në 28 ndeshje zyrtare me ekipin ka shënuar 15 gola e 5 asistime.
Deri tash për Muriqin kanë qenë të interesuara klubet nga Premier League, Championship dhe Serie A.