Vllaznia shkarkon Rainerin

Vllaznia e Shkodrës i ka dhënë fund kontratës me trajnerin italian të ekipit, Baldo Raineri. 

Me këtë, shkodranët që aktualisht janë në vend të shtatë të Kategorisë Superiore shqiptare, kanë emëruar trajnerin e ekipit shpresa, Luan Zmijani, si trajner të ri të skuadrës. 

Baldassare Raineri 55 vjeç që erdhi me shumë pompozitet në Shkodër nuk arriti assesi të rregullojë problemet e shumta në ekip, që shfaqeshin edhe në lojë. 

Italiani 52 vjeç bashkë me stafin e tij kanë pranuar ndërprerjen e kontratës nga Vllaznia dhe janë përshëndetur nga klubi, ka bërë të ditur tiranasja Panorama Sport.