Xhemaili gjen rrugën e golit

Blerim Xhemaili më në fund ka gjetur rrugën e golit te skuadra e tij turke, Galatasaray.

Në ndeshjen e zhvilluar në kuadër Kupës së Turqisë ndërmjet Galatasarayit dhe Manisasporit, Xhemaili ishte ndër më të dalluarit, derisa paraqitjen e tij të mirë e stolisi edhe me një gol duke shënuar në minutë 34’, që ishte goli i parë i ndeshjes, derisa ndeshja përfundoi me rezultat të thellë 4-0.

Xhemaili ishte transferuar në Galatasaray në fillim të këtij stinori nga Napoli, ndërsa që nga muaji nëntor kishte mbetur jashtë fushave të blerta për shkak të lëndimit të rëndë që kishte pësuar.

Kjo fitore ishte motiv shtesë për skuadrën e Galatasarayit, e cila në fundjavë do të përballet me rivalin e përbetuar, Fenerbahçen.