MUSTAFI
Mustafi në 11-shen e muajit
3 March, 2015 @16:32
Ekipi editorial i faqes zyrtare të La Ligas ka përzgjedhur 11-shen e përbërë nga futbollistët më të mirë të muajit shkurt.
Në këtë 11-she ka zënë vend edhe mbrojtësi me origjinë shqiptare i skuadrës së Valencias, Shkodran Mustafi.
Valencia ka shënuar fitore në katër ndeshjet e fundit në La Liga duke u bërë skuadra më në formë në Spanjë, derisa meritat kryesore për këtë sukses i kanë marrë Mustafi dhe bashkëlojtarët e tij, Gaya e Parejo, të cilët janë përfshirë në formacionin më të mirë të këtij muaji. Mbrojtësi 22 vjeçar ka qenë i plotë në të gjitha këto përballje.
Tre skuadrat e para në Spanjë, Real Madrid, Barcelona dhe Atletico Madrid, kanë përfshirë nga një futbollistë në këtë 11-she, derisa sikurse nga Valencia, edhe nga skuadra e Celta Vigos janë përzgjedhur tre futbollistë.
Ja si duket formacioni i muajit shkurt në La Liga…
Portier: Sergio Alvarez (Celta Vigo)
Mbrojtësit: Shkodran Mustafi (Valencia), Gustavo Cabral (Celta Vigo), José Luis Gayà (Valencia), Roberto Rosales (Malaga)
Mesfushorët: Michael Krohn-Dehli (Celta Vigo), Isco (Real Madrid), Daniel Parejo (Valencia)
Sulmuesit: Lionel Messi (Barcelona), Antonnie Griezmann (Atletico Madrid), Alberto Bueno (Rayo Vallecano).
