OLIMPICO
Pa fitues në derbi
2 March, 2015 @22:41
Roma ka arritur të shpëtojë një pikë nga ndeshja ndaj kampionit dhe liderit të Serie A-së Juventusit, me 10 lojtarë në fushë.
Kështu, dallimi në krye të tabelës, pas këtij barazimi, mbetet i njejtë edhe pas kësaj xhiroje - 9 pikë.
Pjesa e parë u përshkrua me kartonë të verdhë, derisa asnjëra skuadër nuk shënoi.
Fillimi i të dytës, la Romën me 10 lojtarë në fushë, kur greku Vassilis Torosidis, u ndëshkua me kartonin e dytë të verdhë.
Carlos Tevez e shfrytëzoi gjuajtjen e lirë për mrekulli dhe qëlloi portën romake për t’ia dhënë epërsinë liderit.
Roma përkundër se me 10 veta në fushë pas golit të pranuar u këndell sado pak për të arritur të barazojë, përmes Seydou Keitas.
Fundi i ndeshjes pa Romën duke dominuar, ndërsa Juventusin duke kërkuar rast përmes kundërsulmeve, derisa rezultati nuk ndërroi.
