ZYRTARE
Vushtrria zyrtarizon kryetrajnerin e ri
30 December, 2023 @17:58
Përmes një postimi zyrtar, klubi i Vushtrrisë ka bërë të ditur emërimin e kryetrajnerit të ardhshëm të skuadrës.
Në krye të Vushtrrisë në pjesën e dytë të sezonit në Ligën e Parë do të jetë Granit Begolli, një emër i njohur i futbollit kosovar.
Granit Begolli gjatë karrierës së tij ka qenë kryetrajner i Vëllaznimit, Lirisë, Feronikelit e së fundi Suharekës, ndërsa në vazhdim do të jetë drejtues i skuadrës vushtrriase.
Stinorin vjeshtor Vushtrria e përfundoi në vendin e parafundit të Grupit B të Ligës së Parë, vetëm një pikë larg vendit të fundit që dërgon një ligë më poshtë.
