BOROZANI.COM LOJTARI I JAVËS
Xhevdet Shabani, më i miri i xhiros
22 August, 2016 @12:35
Mesfushori i Besës së Pejës, Xhevdet Shabani, që stinorin e kaluar luajti për Dritën, është përzgjedhur lojtari i javës në Superligën e Kosovës nga Borozani.com.
Shabani, ka bërë rikthimin e madh të ekipit të Besës ndaj kampionit aktual, Feronikelit, në ndeshjen që ishte derbi i xhiros së parë të Superligës.
Për më tepër, lojtari në fjalë humbi një rast në pjesën e parë për të çuar ekipin e tij në avantazh, por pastaj, kur Feronikeli udhëhiqte 1-0 nga fillimi i pjesës së dytë, ai morri përgjegjësinë për të shutuar gjuajtjen e lirë, që me një devijim përfundoi në portë për 1-1. E disa minuta më vonë me të majtën e tij, gjeti këndin e poshtëm të portës së kampionit, për të shënuar golin e fitores prej afro 20 metrave për, 1-2.
Besa e Pejës kësisoji mposhti kampionin aktual, Feronikelin, si mysafir 1-2 dhe fitoi tre pikë të mëdha nga një ndeshje ku kampioni shihej favorit i lehtë edhe pse ishte derbi i xhiros.
Xhevdet Shabani Goal KF Feronikeli 1-1 KF Besa… by vallikrena
Xhevdet Shabani Goal KF Feronikeli 1-2 KF Besa… by vallikrena
