GRUPI D
Xhimshiti me shokë, përsëri kualifikohen
9 December, 2020 @21:08
Në stinorin e kaluar ishin debutues dhe arritën shumë më shumë sesa që pritën. Këtë stinor, Atalanta përsëri shënoi fitore në ndeshjen vendimtare të grupit duke e mposhtur Ajaxin si mysafir dhe kështu për herë të dytë radhazi siguroi pranverën në Ligë të Kampionëve.
Ka qenë zëvendësuesi kolumbian Lucas Muriel që ka shënuar 5 minuta para fundit të ndeshjes për të përcaktuar përfundimtaren 0-1 [Muriel 85] dhe për t’i sjellë Atalantës sigurinë dhe kualifikimin në momentet e fundit të ndeshjes.
Berat Xhimshiti si zakonisht në qendër të mbrojtjes dhe me portë të paprekur siguroi mbrojtjen e bergamasve.
Në anën tjetër Ajaxi 10 minutat e fundit të lojës i luajti me 10 lojtarë, pasi që Ryan Gravenberch mori kartonin e dytë të verdhë dhe u përjashtua.
Në përballjen tjetër Liverpool barazoi si mysafir ndaj Midtjyllandit në Danimarkë 1-1 [Scohlz 62p. - Salah 1] dhe regjistroi barazimin e parë në grup, por pa ndonjë efekt, pasi që lidershipin e garantoi më parë, njëjtë sikurse Midtjylland eliminimin.
Ajax drejt Europa Ligës.
TABELA PËRFUNDIMTARE:
1. Liverpool 13 pikë;
2. Atalanta 11 pikë;
3. Ajax 7 pikë;
4. Midtjylland 2 pikë.