KISHNICË
Zeneli siguron fitoren e Hajvalisë
17 October, 2015 @15:53
Goli i vetëm i Semir Zenelit në ndeshjen ndërmjet Hajvalisë dhe Llapit që u zhvillua në Kishnicë, i ka siguruar tre pikë skuadrës vendase.
Dominimi i Hajvalisë në lojë u stolis në minutën e 76’, kur Zeneli e mposhti portierin e llapjanëve.
Kjo ishte fitorja e pestë e Hajvalisë, e cila tashmë ka barazuar numrin e fitoreve me atë të humbjeve, ndërsa për Llapin, që mbetet me 14 pikë në tabelë, kjo ishte humbja e katërt këtë edicion.
