Zola në Chelsea

Legjenda e dikurshme e futbollit italian dhe e Chelseat, Gianfranco Zola, i kthehet ekipit të kaltër nga Londra për tu bërë asistent i trajnerit të ri të ekipit, Maurizio Sarri.

Si lojtar, Zola ka qenë pjesë e ekipit të Chelseat që ka fituar dy FA Kupa, një Kupë të Kupave të UEFA-së, një Superkupë të UEFA-së dhe një Kupë të Ligës së Anglisë.

“Jam jashtëzakonisht i entuziazmuar me këtë rast të dhënë. Do të ishte shumë e madhe për ne që të arrijmë sukses me Maurizion dhe do të mundohem të jap më të mirën për klubin, ashtu sikurse kam bërë kur kam qenë lojtar,” ka thënë Zola 52 vjeç, njofton BBC.

Zola, që ka dhënë dorëheqje nga posti i trajnerit të Birmingham Cityt në prill të vitit 2017, i është bashkuar përgatitjeve parasezonale të Chelseat në Australi.