MIQËSORE
Zvicra me 6 shqiptarë mposhtet në Dublin
25 March, 2016 @22:45
Në miqësoren e zhvilluar në Dublin, mjaftoi një gol i mbrojtësit Clark në fillim të takimit që Irlanda të shënojë fitore ndaj skuadrës së Zvicrës, e cila në radhët e veta sonte kishte 6 lojtarë me origjinë shqiptare. Zvicra më pas pati disa mundësi për shënim, mirëpo goli i barazimit nuk erdhi në asnjë moment dhe ndeshja u mbyll me rezultat 1-0.
Në mungesë të Xherdan Shaqirit për shkak të lëndimit, në formacionin startues të Zvicrës ishin Behrami, Xhaka, Mehmedi e Xhemajli, ndërsa në pjesën e dyte u inkuadruan edhe Kasami e Tarashaj.
Siç dihet, Zvicra bën pjesë në grupin A bashkë me Francën, Rumaninë e Shqipërinë, ndërsa Irlanda ndodhet në grupin E me Belgjikën, Italinë e Suedinë.
Clark Goal - Irland 1-0 Switzerlan - 25-03-2016 by footballgoalslive
