Zyba te Legia, transferi dhe kushtet!

Mediat polake kanë nisur të përfolin seriozisht kalimin e mesfushorit të Ballkanit dhe të Kosovës, Qëndrim Zyba drejt ekipit të Legias nga Varshava. Ekipi i kryeqytetit polak ka pëlqyer cilësitë e futbollistit të Kosovës, ndërsa sipas Gol 24 dhe shkrimit të autorit J. Czaplewski Legia pritet t’i paguajë ekipit suharekas 500 mijë euro për transferin e mesfushorit qendror.

Për më tepër, Ballkani do të ketë të drejtën e 20% të kartonit të Zybës për shitjen e ardhshme të tij që do të mund të ndodh potencialisht. Në artikull përmendet se shpejt Zyba do të hyjë në teste mjekësore te ekipi i njohur polak. Zyba ka kontratë me Ballkanin deri në qershor të vitit 2025.

Zyba më 3 shkurt mbush të 23-tat. Ai është 184 centimetra i gjatë, ndërsa para Ballkanit ka qenë pjesë e Prishtinës. Ai ka luajtur të gjitha ndeshjet me Ballkanin në Ligë të Konferencës në fazën grupore. Ka treguar gjithashtu paraqitje të mira me Kosovën, veçanërisht në ndeshje ndaj Zvicrës si mysafir.