Zyrtarisht i Bayernit nga vera

Ylli polak i Borussia Dortmundit, Robert Lewandowski, ka nënshkruar kontratë pesë vjeçare me kampionin aktual të Botës, Bayern Munchen. 

Sulmuesi 25 vjeçar ka përfunduar dilemën e klubit të tij të ri sot, pasi që gjatë ditës u pa në zyret e mjekut të Bayernit, para kontrolleve zyrtare mjekësore. 

Lewandowskit kontrata me Dortmundit i përfundon në fund të këtij stinori, qershor 2014, kur edhe do t’i bashkohet radhëve të Bayernit. 

“Jemi të kënaqur me marrëveshjen. Robert Lewandowski është njëri ndër sulmuesit më të mirë në botë dhe ai do të përforcojë ekipin e Bayernit,” ka thënë shefi ekzekutiv i Bayernit Karl-Heinz Rummenigge për mediat gjermane pasdite. 

Dortmund nuk ka përfituar asnjë cent nga largimi i sulmuesit numër një të ekipit, pasi që rregullat lejojnë që 6 muaj pa përfunduar kontrata futbollisti të mirret vesh pa ndikim nga klubi me cilindo ekip tjetër.