ARSENAL - BRIGHTON
21 vjetori i Wengerit festohet me fitore
1 October, 2017 @14:49
Me fitore është festuar 21 vjetori i Arsene Wengerit si trajner i Arsenalit.
Londinezët kanë shënuar fitore të lehtë 2-0 ndaj Brightonit, ndërsa golashënues sot ishin Monreal dhe Iwobi.
Përveç që e festoi 21 vjetorin e tij si trajner i Arsenalit, Wenger arriti ta kalojë Sir Alex Fergusonin në një statistikë interesante. Brightoni ishte kundërshtari i 45-të i Wengerit si trajner në Premier League, derisa Sir Alex karrierën e mbylli pasi luajti ndaj 44 kundërshtarëve të ndryshëm.
Startues si zakonisht për Arsenalin ishin Shkodran Mustafi dhe Granit Xhaka, ndërsa fitorja e sotme bën që Arsenali të ngjitet në vendin e pestë në tabelë momentalisht.
