XHIRO VIII
3 ndeshje nga Liga e Parë
1 October, 2017 @12:04
Pas 4 ndeshjeve të zhvilluara dje, sot në Ligën e Parë të Kosovës në futboll zhvillohen 3 të tjera.
Skuadra e Trepçës sot udhëton te Bashkimi i Koretinit, skuadra e fundit në tabelë momentalisht, derisa duel interesant pritet të zhvillohet mes Vitisë e Vushtrrisë, me vushtrriasit që kërkojnë ngjitjen në vendin e dytë me një fitore të mundshme. Kjo varet drejtpërdrejt nga dueli i tretë i ditës, që zhvillohet mes Ballkanit dhe Kosovës së Prishtinës, pasi që pozita e dytë momentalisht mbahet nga skuadra therandase.
Të gjitha ndeshjet e sotme fillojnë në ora 15:00, derisa xhiroja e tetë mbyllet me takimin mes Kikës dhe Onixit, që luhet nesër gjithashtu me fillim nga ora 15:00.
