22-shja e fundit për këto kualifikime

Përzgjedhësi i Kosovës U21, Rafet Prekazi, ka përpiluar emëroren e futbollistëve, të cilët do t’i ketë në dispozicion për ndeshjen e fundit në kuadër të kualifikimeve për Evropianin 2019 kundër Izraelit, më 16 tetor. Grumbullimi i futbollistëve do të bëhet më 9 tetor, derisa stërvitja e parë do të mbahet në fushën në Mazgit, në orën 15:00.

Kosova U21 luan duelin e fundit në kuadër të kualifikimit ndaj Izraelit U21 dhe tashmë nuk ka gjasa teorike kualifikimi, pasi që prej 9 ndeshjeve ka tubuar 12 pikë, derisa rivalët mbi saj janë Irlanda (14 pikë, 8 ndeshje), Norvegjia (14 pikë, 8 ndeshje), Izraeli (8 pikë, 8 ndeshje) dhe Gjermania (19 pikë, 8 ndeshje).

Duelet e mbetura:

Izraeli - Irlanda

Gjermania - Norvegjia

Izraeli - Kosova

Norvegjia - Azerbajxhani

Gjermania - Irlanda