‘Lëkundja’ e fundit për Josen?

Zhgënjim pas zhgënjimi!

Manchester United ka dështuar të fitojë edhe në ndeshjen e luajtur sonte në kuadër të Ligës së Kampionëve. ‘Djajtë e Kuq’ barazuan pa gola ndaj Valencias, për ta vazhduar kështu ecurinë e keqe dhe për të shtuar edhe më tutje spekulimet për një shkarkim të Jose Mourinhos, i cili tashmë duket se është në ditët e tij te fundit si trajner i 20 herë kampionit të Anglisë.

Përkundër përkrahjes së vazhdueshme nga fansat pavarësisht rezultateve, Jose Mourinho nuk duket të jetë ‘në të njëjtën faqe’ me lojtarët e tij, gjë që po reflektohet dukshëm në fushë dhe dështimet e United nuk po ndalen në këtë fillim sezoni.

Sa për statistikë, kjo është hera e parë në karrierën e portugezit që skuadra e drejtuar nga ai nuk shënon fitore 4 herë rresht në ndeshjet e luajtura në shtëpi.

Në ndeshjen tjetër të këtij grupi, Juventusi ka shënuar fitore 3-0 ndaj Young Boys, për ta marrë kështu kryesimin e grupit.

Rezultatet e tjera të natës së sontme janë paraqitur në foton e mëposhtme: