3 gola për Ligë të Kampionëve

Arsenal është shumë afër arritjes së qëllimit, kualifikimit për në Ligë të Kampionëve. Me fitoren e sontme ndaj Newcastle United 3-0, londinezët janë larguar 4 pikë nga përcjellësi kryesor i tyre, Everton dhe tani vetëm mrekullia do t’i mund t’i ndalte. 

Qendërmbrojtësi françez, Laurent Koscielny ka shënuar golin e parë të mbrëmjes, derisa para përfundimit të pjesës së parë, gjermani Mesut Ozil i ka dhënë goditjen e radhës Newcastle United, që ka pësuar disfatën e gjashtë me radhë! 

Në pjesën e dytë edhe sulmuesi Olivier Giroud ka shënuar një gol për të përfunduar dilemat e fituesit, derisa është kompletuar karakteristika e rallë e të shënuarit fitore 3-0 me një gol nga një lojtar i çdo reparti - mbrojtja, mesfusha dhe sulmi. 

Rezultatet dhe tabela aktuale.