NGA INFORMATORI
350€ dënime te meshkujt, 200€ te femrat
22 October, 2019 @10:30
Pas përfundimit të xhirove përkatëse në Superligën e Kosovës në basketboll dhe në Ligë të femrave, nuk është shënuar ndonjë incident i madh, raportojnë Informatorët e ligave në fjalë.
Përveç dënimeve të shqiptuara prej gabimeve teknike, tjera nuk ka dhe me të holla janë ndëshkuar Ujkan Karanezi (KB Bashkimi) 100 euro, Elliott Cole (KB Prizreni) 100 euro dhe Petrit Zeqiri (KB Feronikeli) 150 euro.
Ndërkaq te femrat janë dënuar Arbnore Përquku (KB Bashkimi) 50 euro, Kimete Haliti (KB Kastrioti) 100 euro dhe Melita Luci (KB Penza) 50 euro.
Ndeshja më e shikuar e xhiros te meshkujt ka qenë Bashkimi-Prizreni që ka mbledhur rreth 150 shikues, ndërsa te femrat Prishtina-Bashkimi, që ka numëruar 200 shikues dhe ka qenë ndeshja më e ndjekur e fundjavës në basketboll në Kosovë.