4 përforcime te Ballkani brenda 24 orëve

Pas rikthimit të Meriton Korenicës si huazim prej Manisës, Ballkani sot ka zyrtarizuar shpejt edhe tre përforcime tjera në ekip për pjesën pranverore të stinorit.

Kampioni i Kosovës ka bërë të ditur se ka siguruar shërbimet e futbollistëve të kombëtares së Kosovës U-17, Arti Morina (mbrojtës) dhe Art Miftari (portier). Klubi suharekas u ka uruar sukses atyre drejt objektivave.

Ndërsa pak më minuta më parë klubi në fjalë bëri të ditur se ka siguruar edhe shërbimet e sulmuesit senegalez Pape Oumar Cisse. 21-vjeçari së fundi ka qenë pjesë e ekipit Brera Strumica në Maqedoninë Veriore, ndërsa para kësaj ka luajtur për Avezzanon në Itali.