5 lojtarët, që i duhet transferi

Në një analizë të transmetuar sonte në edicionin e lajmeve të rregullta, Eurosport, ka bërë të ditur 5 lojtarët që luajnë në ekipet e Premier League, të cilëve i duhet dëshpërimisht të ndërrojnë ambient. 

5. Asmir Begovic, Stoke City, boshnjak - portieri gjigant i Stoke Cityt e ka rastin që të del në një ekip të madh. Mirëpo, ende nuk ka ofertë konkrete. Liverpooli do të ishte një strehë e mirë për boshnjakun. 

4. Morgan Schneiderlin, Southampton, francez - mesfushori i talentuar francez ka thënë se nëse e ndërron ekipin në Premier League, do të shkojë te një ekip që luan në një garë më të rëndësishme se Europa League. E interesimi i Manchester Unitedit është ende aty. I mbetet klubeve që të mirren vesh. 

3. Kevin Mirallas, Everton, belg - Mesfushori ofanziv, që mund të luaj në krah por edhe si ndihmës sulmues, asnjëherë nuk ka arritur të bind te Evertoni me performancat e tij, përkundër se është tepër punëtor në fushë. Një ekip, cilido qoftë ai, do të bënte që t’i dalë në pah talenti edhe më shumë. 

2. Stevan Jovetic, Manchester City, malazez - Sulmuesi malazez i ish kampionit të Anglisë, që prej vitit 2013 kur u transferua në Premiership, ka bërë vetëm 11 ndeshje si startues. Disa lëndime, pak edhe mosbindja e trajnerit Manuel Pellegrini, për të ndikuar edhe më shumë që ai t’i thotë po ekipeve dhe interesimit nga Serie A. 

1. Mario Balotelli, Liverpool, italian - Sulmuesi karizmatik i Italisë, i kushtoi shumë Liverpoolit. Një gol i vetëm në Premier League, për 20 milionë funta. Interesimi i Sampdorias për të do të ishte ide e mirë që të rinis ngjitjen në maje. Duhet të pajtohet me çfarëdo rroge që i jep ekipi italian, vetëm e vetëm të kthehet ai i vjetri - që kur shënoi ndaj Gjermanisë me Italinë, të shndërrohet në Hulkun e filmave.