5 për fundjavë!

1. Arsenal – Leicester (e premte, ora 15n9)

Është një skenë tek filmi i ‘Harry Potter dhe Kupa e Zjarrit’, kur Harry kthehet nga një udhëtim i papritur. Reagimi i tij i parë është një – He’s baaaaaack! Është një ndjenjë e tillë çdo fillim sezoni në Premier League.
Arsenali dhe Leicester para një viti kanë pasur një rivalitet më të inatosur – titulli i fituar nga Leicester dhe injorimi nga Vardy. Pas sezonit të kaluar kjo ka ndryshuar goxha. Arsenali mund të ëndërroj për Evropën, derisa Leicesteri për pozitën e dhjetë. Por, së paku kampionët e parafundit kanë arritur çerekfinalet.

Oh, edhe ndër pak gjërat të mira si Premier League, seria e librave Harry Potter! Lexoni!

2. Rijeka – Dinamo (e premte, ora 7)

Kampionatet në Evropën Lindore, pse jo edhe në atë qendrore përfshirë Gjermaninë përfundojnë herët në vjeshtë. Një fitore e Dinamos do të mund të vuloste titullin për zagrebasit përkundër faktit që mbesin edhe tri përballje direkte. Angazhimi i Rijekës në fazën e grupeve, kualifikimi eventual, mund të lehtësonte edhe më shumë titullin e Dinamos.
Leonard Zuta është i vetmi nga shqiptarët këtë sezon tek Rijeka, në anën tjetër tek Dinamo kemi Amir Rrahmanin tonë të kthyer nga huazimi i sezonit të kaluar tek Lokomotiva dhe Endri Cekicin. Arijan Ademi është i dënuar për doping edhe nja dy muaj.

3. Everton – Stoke (e shtunë, ora 4)

Evertoni pritet të jetë interesant për t’u parë sivjet. Së paku pas kësaj vere goxha aktive. Janë ndër dy-tri ekipet që mund të sfidojnë gjashtëshen e parë, falë një ekipi të talentuar. E kundërta vlen për Stoke, të cilët kanë humbur njërin nga emrat kryesor në pjesën ofensive. Megjithatë kanë një alternativë të mirë në Sohbin, i cili është një emër që duhet ta keni parasysh.

4. Newcastle – Tottenham (e diel, ora 2e30)

Pakënaqësitë e Benitezit me prurjet mund të japin një fillim fals për Tottenhamin. Fitorja eventuale e mysafirëve s’do të mund të mbulonte problemet në të cilat do të kalojnë këtë sezon. Po të ishte një trajner tjetër tek laraskat, kjo ndeshje në mars të vitit të ardhshëm do të ishte një përballje për pozitën e gjashtë.

5. Manchester Utd – West Ham (e diel, ora 5)

Një tjetër 0-0?! Pak zor me Lukakun e Chichariton në ekip. Nëse starton, do të veja bast që Chicharito do të shënonte aty ku është nënvlerësuar nga shpikësi i talenteve të kalibrit të Rayo Vallecanos, shkëlqesisë së tij, Lord Louis Van Gaal!
Unitedit i nevojitet një krahë, ose kalimi në 3-4-2-1 me Mkhityarian e Mata pas Lukakus, me Pogban e Maticin në mesfushën prej Valencias, i cili është në moshë që mund të kontribuoj vetëm në një repart dhe atë më shumë në sulm se në mbrojtje. Për të majtën kanë Young, Blind e Shaw dhe tre qendërmbrojtës kualitativ në Bailly, Lindelof e Rojo!
Megjithatë do të jetë Lingard startues dhe Fellaini zëvendësuesi i parë! Dhe jo, nuk ka trajner më të mirë se Mourinho për këtë Manchester. Sidoqoftë, Bilic di të befasoj ekipet e mëdha si mysafir, sidomos në fillim të sezonit.