SHQIPTARËT

BOROZANI

54 shqiptarë në 7 përfaqësuese

Përgatiti: Lis Dorambari

2 March, 2014 @23:30

Më 5 mars do të jetë një ditë shumë e veçantë për futbollin shqiptar në përgjithësi.

Në këtë ditë dy përfaqësuese shqiptare në futboll, ajo e Shqipërisë dhe e Kosovës, do të luajnë dy ndeshje miqësore. E para do të takohet me Maltën në Durrës, kurse e dyta me Haitin në Mitrovicë.

Padyshim se për Kosovën kjo do të jetë një ndeshje historike, për shkak se kjo do të jetë ndeshja e parë zyrtare ndërkombëtare.

Mirëpo, kjo nuk do të jetë e veçanta e vetme. Përveç këtyre dy përfaqësueseve shtetërore, edhe 13 futbollistë të tjerë shqiptarë në po të njëjtën ditë, më 5 mars, do t'i përfaqësojnë 5 përfaqësuese të tjera europiane.

Zvicra, Maqedonia, Finlanda, Mali i Zi dhe Gjermania në listat e tyre të lojtarëve për ndeshjet e së mërkurës, kanë përfshirë së paku një futbollist shqiptar.

Më së shumti ftesa ndaj shqiptarëve ka dërguar Zvicra (5), e ndjekur nga Maqedonia (4) e Finlanda (2), derisa Malin e Zi dhe Gjermaninë do ta përfaqësojnë nga një futbollist shqiptar.

Përzgjedhësi i Shqipërisë, Gianni de Biasi, në listën e tij ka përfshirë 19 futbollistë, kurse ai i Kosovës, Albert Bunjaki, 22 sosh.

Nëse e mbledhim numrin e futbollistëve shqiptarë që do të luajnë më 5 mars në përfaqësueset A të shteteve të ndryshme europiane, do të kemi 54 prej tyre.

Ndërsa këtu nuk janë përfshirë futbollistë si Pajtim Kasami, Erton Fejzullahu, Valon Berisha, Arijan Ademi të cilët nuk janë ftuar kësaj radhe në përfaqësueset përkatëse, e nuk është përfshirë as Adnan Januzaj që nuk ka vendosur akoma se për kë do të luaj.

Futbollistët shqiptarë të cilët do të luajnë më 5 mars për përfaqësueset e tyre përkatëse

	Kosova	22 lojtarë	Shiko listën e plotë
	Shqipëria	19 lojtarë	Shiko listën e plotë
	Zvicra	5 lojtarë	Xherdan Shaqiri, Granit Xhaka, Valon Behrami, Blerim Dzemaili, Admir Mehmedi
	Maqedonia	4 lojtarë	Agim Ibraimi, Muhamed Demiri, Ferhan Hasani, Besart Ibraimi
	Finlanda	2 lojtarë	Përparim Hetemaj, Berat Sadik
	Gjermania	1 lojtar	Shkodran Mustafi
	Mali i Zi	1 lojtar	Fatos Beqiraj
GJITHSEJ	7 përfaqësuese	54 lojtarë