6helsea turpëron Arsenalin

Që nga minuta e 17-të e ndeshjes kur belgu Eden Hazard shënoi nga penalltia për 3-0, pasi që Kieran Gibbs u ndëshkua me karton të kuq - Arsene Wenger ka menduar se si të dalë nga Stamford Bridge sot. 

Por, tortura vazhdoi nga të pamëshirshmit e Jose Mourinhos të cilët nuk u ndalën së shënuari gjatë gjithë ndeshje për të arritur rezultatin përfundimtar 6-0. 

Arsenalit nuk i shkoi asgjë sot, derisa Chelsea vallëzonte në fushë në një ditë të mrekullueshme pranverore të Stamford Bridgeit. 

Samuel Eto’o paralajmëroi uraganin që në minutën e pestë të takimit, që u vazhdua nga gjermani, Andre Schurrle, Eden Hazard, Oscar e Mohamed Salah. 

Ky ka qenë goli i parë për ish anëtarin e Baselit, Salah, derisa ekipi i tij ka shënar fitoren më të thellë në Premier League - e gjithashtu i ka shkaktuar edhe Topçinjëve humbjen më të thellë, duke e eliminuar atë ndaj Liverpoolit, kur Arsenal pat humbur 5-1. 

Me këtë fitore Chelsea vazhdon të mbetet si kandidat kryesor për titull të Anglisë sivjet, derisa si kundërshtar i vetëm i tyre shihet Manchester City. 

Për të bërë edhe më tragjike, kjo ka qenë ndeshja e 1000-të e Arsene Wengerin si kryetrajner i Arsenalit! S’do ta harrojë kurrë, gjithsesi. 

Rezultatet dhe tabela aktuale.