90 minutëshi më i gjatë në karrierë

Kapiteni legjendar i Liverpoolit, Steven Gerrard, i emocionuar pas fitores së djeshme ndaj Manchester Cityt në Anfield Road, ka thënë se kjo ka qenë ndeshja më e gjatë e karrierës së tij. 

“Kanë qenë 90 minutat më të gjata që i kam luajtur ndonjëherë. Dukej sikur ora shkonte prapa në disa momente të lojës,” ka thënë mefsushori 33 vjeçar i të kuqve nga Anfield, pas fitores 3-2, transmetojnë mediat angleze sot.

“Kjo fitore do të thotë tepër shumë. Ky është rezultat madhështor. Mirëpo ne i kemi edhe katër finale. Asgjë nuk kemi fituar. Duhet të jemi të qetë dhe t’i dalim përballë Norwich Cityt xhiron tjetër,” ka shtuar Gerrard. 

Liverpool ka për herë të parë rastin që të shpallet kampion i Premier League të Anglisë, pasi që me fitore në katër ndeshjet e fundit - nuk do ta ketë kush ta ndalë drejt titullit të parë. 

Liverpool për herë të fundit ka qenë kampion në stinorin 1989/90, derisa Premier League është krijuar në vitin 1992.