Lëndohet Costa, Atletico jeton ëndrrën

Atletico Madrid ka shënuar fitore të rëndësishme sot ndaj Getafes si mysafir, por përkundër dëshirës së madhe për titull të Rojiblancove, lëndimi i Diego Costas i la të gjithë në ethe. 

Sulmuesi që po shkëlqen këtë stinor te ekipi madrilen ka goditur me këmbë shtyllën derisa shënoi golin e dytë të skuadrës - që i ka shkaktuar një të çarë - që në dukje ishte tepër e rrezikshme. 

Sidoqoftë, lajmet nga mediat spanjolle thonë se përkundër të gjithave, Diego Costa është mirë dhe lëndimi nuk është edhe aq i keq sa dukej në inçizime. 

Atletico Madrid i udhëhequr nga Diego Simeone është duke e përjetuar një ëndërr - duke i bërë ballë Real Madridit dhe Barcelonës, që kanë pesëfish buxhet më të madh dhe ekipe të përbëra nga individët më të mirë në botë, derisa po e kërkon titullin e kampionit të Spanjës - pas gati dy dekadave. 

Herën e fundit kur Atletico Madrid ka fituar titullin e Spanjës, në stinorin 1995/96 trajneri i tashëm Diego Simeone - ka qenë shtyllë e pjesës defanzive së ekipit! 

Sot, Diego Godin shënoi golin e parë për ekipin e Simeones, derisa Diego Costa dështoi të shënojë nga penalltia për të shëunar më vonë golin e dytë të skuadrës - për fitore, dhe duke u përcjellur për spitalin më të afërm. 

Rezultatet dhe tabela aktuale.