Hyka mban gjallë Luzernin

Pas katër humbjeve rresht, skuadra e Luzernit i është kthyer fitoreve.

Ndeshja e luajtur ndërmjet Luzernit dhe St. Gallenit përfundoi me rezultat minimal 1-0, me golin e vetëm të futbollistit kuqezi, Jahmir Hyka.

Hyka realizoi në minutën 74’ të ndeshjes për t’ia siguruar tre pikë skuadrës së tij në kuadër të kampionatit zviceran.

Ai ishte titullar në ndeshje, derisa në minutën 85’ ia lëshoi vendin një tjetër futbollistit shqiptar, 21 vjeçarit Hekuran Kryeziu.

Në anën tjetër, te St. Galleni titullarë ishin Kristian Nushi dhe Ermir Lenjani, mirëpo kontributi i tyre mbeti i pamjaftueshëm  për t’iu shmangur humbjes.

Me këtë fitore Luzerni tani ka 42 pikë dhe ngjitet në pozitën e gjashtë, duke e tejkaluar St. Gallenin që ka dy pikë më pak dhe gjendet një pozitë më poshtë.