E dhjeta me radhë

Një gabim i papritur i mbrojtësit belg të Manchester Cityt, Vincent Kompany, kur nuk arriti të largojë topin në mënyrë më të mirë nga mbrojtja, gjeti Philippe Coutinhon të gatshëm për shut preciz që shënoi golin vendimtar të takimit, në fitoren e madhe të Liverpoolit ndaj Manchester Cityt 3-2. 

Pak para këtij çasti, City dominonte në fushë dhe kërkonte golin e fitores, pasi që të kaltërit e Manchesterit kishin barazuar në 2-2, pas epërsisë së Liverpoolit 2-0 në pjesë të parë. 

Kështu Liverpool ka vazhduar me ritmin e fitoreve, ku nuk gabon në dhjetë ndeshjet e fundit, derisa City ka pësuar për të parën herë pas shtatë ndeshjeve. Disfata e fundit e ekipit të Manuel Pellegrinit kishte qenë në shkurt nga Chelsea. 

Me këtë fitore, djelmoshat e Brendan Rodgers, tashmë kanë rastin për të fituar titullin kampion, aq shumë të pritur, pasi që nuk varen nga rezultatet e tjerëve, por gjithçka kanë në ‘dorë të veten’. 

Rezultatet dhe tabela aktuale.