Abrashi: Në fushë për 3 pikë

Kapiteni i Kombëtares shqiptare, Amir Abrashi, ka folur në konferencën zyrtare për media në prag të ndeshjes ndaj Uellsit. Borozani.com

Abrashi u tregua mjaft i lumtur që do ta bartë shiritin e kapitenit të kombëtares, ndërsa sa i përket ndeshjes u shpreh se ekipi ka kualitetin e duhur për të dalë fitues.  ”Është kenaqësi e madhe dhe nder i veçantë te jem kapiten i skuadrës së Shqipërisë, skuadër qe unë e dashuroj. Me padurim pres të fillojë ndeshja.” - tha ai.

Lidhur me ndeshjen, Abrashi u shpreh se se Uellsi ka skuadrën e fortë, është fizikisht i fortë dhe luan futboll të mirë, por edhe kombëtarja jonë ka kualitet për të fituar këtë ndeshje.

Për fund, i pyetur nëse ndihet si lider i ekipit, Abrashi u shpreh se e sheh veten si lider duke marrë parasysh moshën, eksperiencën dhe karakteristikat e tij. “Dhe të kesh shiritin, edhe nëse nuk e ke shiritin, është njësoj. Puna është të jesh lider në ekip. Dhe unë e ndjej si lider veten.” - shtoi kapiteni i kombëtares.

Shqipëria luan miqësoren ndaj Uellsit nesër, me fillim nga ora 18:00.