TOTTENHAM HOTPSUR
Adebayor i jep fitoren e parë Sherwoodit
22 December, 2013 @16:36
Tim Sherwood ka përjetuar fitoren e parë në Premier League si trajner sot, në ndeshjen ku ekipi i tij Tottenham Hotspur mposhti Southamptonin si mysafir 2-3.
Ka qenë pikërisht njeriu që Sherwood e ka kthyer në formacionin bazë, Emmanuel Adebayor, që ka shënuar dy gola në fitoren e londinezëve, derisa ka gëzuar pa masë trajnerin e tij që ia ktheu besimin togolezit.
Southampton që pas fillimit të mrekullueshëm të stinorit nuk ka shënuar fitore në pesë ndeshjet e fundit kaloi në epërsi nëpërmjet mesfushorit Adam Llallana (13’), por ka qenë pikërisht Adebayor që ka barazuar (25’) e në pjesën e dytë më një autogol Tottenham ka kaluar në epërsi 1-2.
Mirëpo, sulmuesi i përfaqësueses angleze, Ricky Lambert, i dha shpresa trajnerit të tij, Mauricio Pochettino, duke barazuar 2-2 në minutën e 60 të ndeshjes. E kjo shpresë e vendasve në stadiumin St Mary zgjati vetëm 4 minuta, sa iu deshën Adebayorit për të shënuar golin për rikthimin e epërsisë së londinezëve, që doli të jetë edhe goli i fitores për Tottenham Hotspurin.
Me fitore, Tottenham ka kaluar mbi Manchester Unitedin duke dalë në pozitën e shtatë të klasifikimit.