Bavarezët me Shaqirin, pushtojnë botën

Bayern Munchen ka arritur të pushtojë botën në vitin 2013. Pas titullit kampion dhe Kupës së Gjermanisë në vendin e tyre, ata kane fituar Ligën e Kampionëve dhe Superkupën europiane, ndërsa sonte kanë fituar edhe titullin botëror për klube. 

Bavarezët kanë mposhtur në finale befasinë, Raja Casablanca, 2-0, në finalen e posapërfunduar në Maroko, që ishte nikoqirja e turneut. 

Golat për fitoren e madhe të Bayernit i shënuan Dante (7’) dhe Thiago Alcantara (22’) për të përfunduar dilemën e fituesit të ndeshjes shumë shpejtë. 

Me këtë fitore dhe me këto tituj të fituar të Bayernit, kosovari Xherdan Shaqiri bëhet shqiptari i parë që arrin të gjitha titujt botëror në futbollin ekipor të mundshëm për një stinor/vit kalendarik.