BBC AWARD
Foto: BBC
Afrikani i vitit 2016, Mahrez
13 December, 2016 @5:39
Në përzgjedhjen e lojtarit më të mirë afrikan për vitin 2016, BBC i ka dhënë çmimin algjerianit të Leicester Cityt, Riyad Mahrez.
”Çmim i madh, shumë i rëndësishëm për lojtarët afrikanë, jam i nderuar dhe krenar me këtë,” - ka thënë reprezentuesi algjerian, Mahrez, pas pranimit të trofeut.
Viti 2016 ka qenë vit i ëndrrave për Mahrezin, që përveç super befasisë e të shpallurit kampion në Premier Ligë me Leicester Cityn, e bëri atë edhe lojtarin e vitit në Premier Ligë dhe tash erdhi edhe çmimi i afrikanit më të mirë.
Mahrez njashtu u rendit në pozitën e shtatë të të përzgjedhurve për Topin e Artë të vitit, duke qenë afrikani i vetëm që arriti në TOP 10 të lojtarëve më të mirë të botës për 2016.
